REGİONLAR


Balakən rayonunda kənddaxili yol və körpü əsaslı təmir olunub

Balakən, 21 dekabr, Mustafa Dadaşov, AZƏRTAC

Balakən rayonunun Mahamalar kəndini Silban yaşayış məntəqəsi ilə birləşdirən yerli əhəmiyyətli avtomobil yolu və yolun üzərindəki körpü əsaslı təmirdən sonra sakinlərin istifadəsinə verilib.

AZƏRTAC xəbər verir ki, rayonun daxili imkanları hesabına aparılan təmir-tikinti işləri zamanı 3,6 kilometr uzunluğunda yolun kəndin içərisindən keçən 2,1 kilometrlik hissəsi əsaslı təmir olunub, yola yeni asfalt örtüyü döşənib. Yolun qalan hissəsində isə cari təmir işləri aparılıb. Eyni zamanda, Balakən çayı üzərindəki 70 metr uzunluğunda körpü də əsaslı təmir olunub.

Bu münasibətlə keçirilən mərasimdə rayon icra hakimiyyətinin başçısı İslam Rzayev çıxış edərək, rayon əhalisinin sosial problemlərinin həlli, yol infrastrukturunun yaxşılaşdırılması istiqamətində görülən işlər barədə məlumat verib.

Kənd sakinləri Səadət Xəlilova və Ömər Civinqov çıxış edərək, Dünya Azərbaycanlılarının Həmrəylik Günü və Yeni il ərəfəsində gerçəkləşdirilən belə dəyərli bayram hədiyyələrinə görə sakinlər adından Prezident İlham Əliyevə minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.