REGİONLAR


Balakənin Hənifə kəndində uşaq bağçası əsaslı təmir olunub

A+ A

Balakən, 20 sentyabr, Mustafa Dadaşov, AZƏRTAC

Balakən rayonunun Hənifə kəndindəki 1 nömrəli körpələr evi-uşaq bağçası əsaslı təmirdən sonra yenidən balacaların istifadəsinə verilib.

AZƏRTAC xəbər verir ki, bu münasibətlə keçirilən mərasimdə Milli Məclisin deputatları, rayon rəhbərliyi və ictimaiyyət nümayəndələri iştirak ediblər.

Tədbirdə çıxış edənlər ölkəmizdə uşaqlara dövlət səviyyəsində xüsusi diqqət və qayğı göstərildiyini, onların firavan və qayğısız böyümələri üçün məqsədyönlü iş aparıldığını diqqətə çatdırıblar.

Bildirilib ki, son illər respublikamızın hər yerində olduğu kimi, Balakən rayonunda da məktəb və məktəbəqədər təhsil müəssisələrinin maddi-texniki bazasının möhkəmləndirilməsi istiqamətində davamlı tədbirlər həyata keçirilir. Son illər rayonda 5 yeni uşaq bağçası tikilib istifadəyə verilib, 3 bağça əsaslı təmir olunub.

Bağçanın açılışını bildirən rəmzi lent kəsildikdən sonra rayon rəhbərliyi və qonaqlar burada yaradılan şəraitlə tanış olublar. Məlumat verilib ki, keçən əsrin 70-ci illərində inşa edilən bağçada indiyədək əsaslı təmir işləri aparılmayıb. Uşaq bağçasının təmiri yerli büdcə vəsaiti hesabına həyata keçirilib. 35 yerlik uşaq bağçasında iki qrup fəaliyyət göstərir. Bağça yeni inventarla da təchiz edilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.