İDMAN


Bayıl stadionunda futbol üzrə “3x3 oğlanlar turniri” təşkil olunacaq

Bakı, 12 may, AZƏRTAC

Futbolun təbliğatının gücləndirilməsi və kütləviliyin artırılması məqsədilə Bayıl stadionunda 2 yaş qrupu üzrə “3x3 oğlanlar turniri” keçiriləcək.

AZƏRTAC xəbər verir ki, turnirin qaydalarına görə, hər komandanın iştirak ərizəsində 5 nəfərin adı qeyd olunmalıdır. Oyun zamanı hər komandanın heyətində meydana 3 nəfər çıxır. Onlardan dördü indiyədək hər hansı komandanın heyətində çıxış etməyən, adı AFFA-nın Qeydiyyat bazasında olmayan oyunçu olmalıdır.

Oyunların müddəti 10 dəqiqədir (hər hissə 5 dəqiqə). İştirakçılar idman geyimində olmalıdırlar, təşkilatçılar tərəfindən iştirakçılara yalnız oyun jiletləri veriləcək. Turnirin keçirilmə qaydaları ilə bağlı ətraflı məlumat turnir zamanı iştirakçılara veriləcək. Turnir zamanı müxtəlif yarışlar keçiriləcək, qaliblər mükafatlandırılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.