DÜNYA


Belarus Ukraynaya humanitar yardım göndərib

Kiyev, 12 iyun, AZƏRTAC

Belarus Respublikası Ukraynaya 58 ton həcmində humanitar yardım göndərib. Bu barədə Belarusun Ukraynadakı səfiri İqor Sokol bu gün keçirdiyi mətbuat konfransında deyib.

Səfirin sözlərinə görə, humanitar yardıma 4 min ərzaq və gigiyenik məhsullar daxildir.

Ərzaq məhsullarında günəbaxan yağı, un, şəkər tozu, makaron, gigiyenik məhsullarda isə şampun, diş pastası, sabun və digərləri mövcuddur. Göndərilən bütün məhsullar Belarusda istehsal olunub.

Səfir bildirib ki, humanitar yardım birbaşa Belarus Prezidenti Aleksandr Lukaşenkonun təşəbbüsü ilə həyata keçirilib.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.