DÜNYA


“Ben-Hur” filmi sentyabrda nümayiş olunacaq

A+ A

Bakı, 23 avqust, AZƏRTAC

Məşhur aktyor Haluk Bilginerin də heyətində yer aldığı Amerika istehsalı olan “Ben-Hur” filminin sentyabrın 9-dan nümayişinə başlanılır.

Anadolu agentliyinin məlumatına görə “Paramount Pictures” və “Metro-Goldwyn-Mayer Pictures”in ortaq çəkdiyi filmdə “Simonides” obrazını Haluk Bilginer canlandırır.

Ssenarisini Keit Klark və Con Ridleyin qələmə aldığı ekran işinin rejissoru “Wanted” və “Abraham Lincoln: Vampire Ovçusu” kimi filmləri çəkən qazax əsilli Timur Bekmambetovdur.

“Lew Wallace” eyniadlı romana istinad edən filmin yeni versiyasında Bilginerlə yanaşı, Cek Huston, Rodrigo Santoro, Ayelet Zurer, Pilou Asbaek, Sofia Black d'Elia və Morgan Freeman kimi aktyorlar rol alıb.

Filmdə Roma ordusunda zabit olan, ögey qardaşı Messala tərəfindən haqsız bir şəkildə xəyanətdə günahlandırılan şahzadə Judah Ben-Hurun hekayəsindən bəhs edilir. Rütbəsi alınan, ailəsindən və sevdiyi qadından ayrı salınan Judah qul olmağa məcbur edilir. Dənizdə keçən illərdən sonra intiqam almaq üçün vətəninə dönən baş qəhrəmanın mübarizəsini görmək filmi izlədikdən sonra mümkün olacaq.

Filmin afişalarda Haluk Bilginerin canlandırdığı “Simonides” obrazı da yer alır.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.