REGİONLAR


Bərdənin tarixi abidələri ilə tanışlıq qonaqlarda və turistlərdə zəngin təəssürat oyadıb

Bərdə, 16 iyun, AZƏRTAC

Bərdə Regional Mədəniyyət və Turizm İdarəsi Milli Qurtuluş Günü və Azərbaycanda yay turizm mövsümünə start verilməklə bağlı tədbir keçirib.

AZƏRTAC xəbər verir ki, regional idarənin tabeliyində olan Bərdə, Tərtər rayon, Yevlax və Mingəçevir şəhər nümayəndəliklərinin iştirakı ilə təşkil olunan tədbir Bərdədəki tarixi abidələrlə tanışlıqla başlanıb. 1322-ci ildə inşa edilən Bərdə türbəsi, VIII-IX əsrlərə aid İmamzadə məscid kompleksi, Şirvanlı kəndində yerləşən XVIII-XIX əsrlərə aid Şirvanlı hamamı ilə tanışlıq qonaqlarda və turistlərdə zəngin təəssürat yaradıb.

Tədbir Tərtər çayı sahilində yerləşən Heydər Əliyev adına park-bulvarda davam etdirilib. İştirakçılar əvvəlcə ümummilli lider Heydər Əliyevin parkdakı abidəsini ziyarət ediblər. Burada Milli Qurtuluş Günü və yay turizm mövsümünə başlanılmaqla bağlı rayon sakinləri, şəhərin qonaqları, o cümlədən turistlər üçün konsert proqramı təşkil edilib. Tarix-Diyarşünaslıq Muzeyinin sərgilədiyi qədim eksponatlar, Bərdə Turizm İnformasiya Mərkəzi tərəfindən nümayiş olunan regionun turizm potensiyalını əks etdirən məlumatlandırıcı kitablar, suvenirlər, hədiyyələr, Bərdə şəhər 1 və 4 nömrəli uşaq incəsənət məktəblərinin şagirdlərinin açıq havada çəkdikləri rəsmlər maraqla qarşılanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.