MƏDƏNİYYƏT


Bəstəkarlar arasında romans janrı üzrə müsabiqə elan edilir

Bakı, 11 may, AZƏRTAC 

“Mədəniyyət” kanalının və Azərbaycan radiosunun təşkilatçılığı ilə bəstəkarlar arasında romans janrında yazılan əsərlərin müsabiqəsi elan edilir.

AZƏRTAC “Mədəniyyət” kanalının rəsmi saytı - medeniyyettv.az-a istinadla xəbər verir ki, müsabiqənin keçirilməsində məqsəd Azərbaycan gəncliyinin istedadı və bacarığını böyük kütləyə nümayiş etdirməkdir. Həm də müsabiqənin keçirilməsi romans janrının bugünkü nəslə təbliğinə kömək edəcək.

Azərbaycan musiqi səltənətində xüsusi rolu olan romans janrının əsası Asəf Zeynallının “Ölkəm” romansı ilə qoyulub. Daha sonra bu ənənələr Azərbaycanın müxtəlif bəstəkarlarının vasitəsilə geniş kütləyə çatdırılıb. Üzeyir Hacıbəylinin “Sənsiz”, “Sevgili canan” romansları, Süleyman Ələsgərovun “Vətənimdir”, Oqtay Zülfüqarovun “Yad eylərəm” və digər romanslar Bakı Musiqi Akademiyası, Azərbaycan Milli Konservatoriyasında tədris olunur.

Bildirilir ki, bu gün yeni romansların yazılması arzu olunan bir məsələdir. Bu səbəbdən də “Mədəniyyət” kanalının direktoru Ramil Qasımovun təşəbbüsü ilə müsabiqənin keçirilməsi məqsədəuyğun hesab edilib.

Müsabiqədə iştirak etmək istəyənlər romans janrında yazılan əsərin notunu və rəqəmsal formatda, müğənninin ifasını iyunun 30-dək [email protected] ünvanına göndərməlidirlər. Ümumi nəticələr əldə olunduqdan sonra I, II və III yerlərin qalibi müəyyənləşəcək və qaliblərə müvafiq pul mükafatı veriləcək. Əsərlərdə müasirlik, ideologiya və mənəvi ruh göstərilməlidir.

Bəstəkarlar klassik nəzm nümunələri ilə bərabər, gənc şairlərin də şeirlərinə müraciət edə bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.