REGİONLAR


Beyləqanlı pambıqçılara dəstək aksiyası VİDEO

A+ A

Beyləqan, 24 oktyabr, Tahir Ağaməmmədov, AZƏRTAC

Beyləqan rayonunda pambıqçı fermerlərə dəstək aksiyasına başlanılıb.

AZƏRTAC xəbər verir ki, rayonun təhsil, mədəniyyət və səhiyyə işçiləri həftəsonu, qeyri-iş günlərində könüllü olaraq pambıq yığımında iştirak edir, strateji məhsulun tez və itkisiz yığılmasına kömək göstərirlər.

Aksiyada iştirak edən Niyazi adına şəhər musiqi məktəbinin direktoru Nigar Fətiyeva bildirib ki, havaların yağmurlu keçməsi pambıq yığımını ləngidə bilər. Məhsulun vaxtında itkisiz yığılması üçün musiqi məktəbinin kollektivi də könüllü olaraq pambıqçı fermerlərə dəstək aksiyasına qoşulublar.

Beyləqan rayon Statistika İdarəsinin verdiyi məlumata görə, 2016-cı ilin məhsulu üçün rayonda 3958 hektar sahədə pambıq becərilib. Bu, ötən illə müqayisədə 1879 hektar çoxdur. Hazırda pambıqyığan kombaynların köməyi və əl əməyi ilə işlər sürətlə aparılır. Bu günədək tarlalardan 3245 ton məhsul toplanıb. Yığılan pambıq “MKT İstehsalat Kommersiya” MMC-nin Beyləqan filialına və “CTS Aqro” MMC-nin pambıq istehsalı və emalı zavoduna təhvil verilir.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.