MƏDƏNİYYƏT


Beynəlxalq Muğam Mərkəzi yeni möhtəşəm layihəyə start verir

Bakı, 12 may, AZƏRTAC

Beynəlxalq Muğam Mərkəzinin təşkilatçılığı ilə “Muğam axşamları” adlı yeni möhtəşəm layihəyə start verilir. Layihədə mayın 16-dan iyunun 30-dək Azərbaycan muğamları – “Rast”, “Şur”, “Segah”, “Cahargah”, “Bayatı-Şiraz”, “Şüştər” və “Humayun” tanınmış muğam ifaçıları tərəfindən ifa ediləcək.

Muğam Mərkəzindən AZƏRTAC-a bildirilib ki, layihənin ilk konserti mayın 16-da “Rast” muğamının ifası ilə başlayacaq. Konsertdə xanəndələr - Əməkdar İncəsənət Xadimi Aqil Məlikov, Əməkdar Artist Sevinc Sarıyeva, Naxçıvan MR-in Əməkdar Artisti Ehtiram Hüseynov, Mirələm Mirələmov, Aytən Məhərrəmova, Hüseyn Məlikov “Rast” ansamblının müşayiəti ilə muğamın müxtəlif şöbələrini ifa edəcəklər.

Ansamblın bədii rəhbəri Xanlar Cəfərovdur.

Layihənin informasiya dəstəyi AZƏRTAC, “Mədəniyyət” kanalı, Azərbaycan Radiosu və “Baku” jurnalına məxsusdur.

Biletləri şəhərin kassalarından, “ASAN xidmət” mərkəzlərindən və iticket.az saytından əldə etmək olar

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.