MƏDƏNİYYƏT


Beynəlxalq Muğam Mərkəzində növbəti tədbir Xalq Artisti Adil Bağırova həsr ediləcək

Bakı, 21 iyun, AZƏRTAC

İyunun 29-da Beynəlxalq Muğam Mərkəzində Xalq Artisti, Azərbaycan Televiziya və Radiosunun Əhsən Dadaşov adına “Xatirə” Xalq Çalğı Alətləri ansamblının bədii rəhbəri Adil Bağırovun 80 illiyinə həsr edilmiş tədbir keçiriləcək.

AZƏRTAC xəbər verir ki, tədbir Azərbaycan Televiziya və Radiosu, “Mədəniyyət” kanalı və Beynəlxalq Muğam Mərkəzinin birgə təşəbbüsü ilə gerçəkləşəcək. Gecədə A.Bağırovun sənət dünyasından, gördüyü işlərdən danışılacaq, xidmətləri vurğulanacaq.

Tədbir konsert proqramı ilə davam edəcək. Konsertdə Əməkdar artistlər Almaz Orucova, Zakir Əliyev, Cabir Abdullayev, Təyyar Bayramov və xanəndələr Kamilə Nəbiyeva, Aytən Məhərrəmova, Günay İmamverdiyeva, Abgül Mirzəliyev, Sərxan Bünyadzadə, Elnur Zeynalov tərəfindən xalq və bəstəkar mahnıları səsləndiriləcək.

İfaçıları “Xatirə” ansamblı müşayiət edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.