SİYASƏT


Beynəlxalq Türk Mədəniyyəti və İrsi Fondunun bəyanatı

Bakı, 6 iyul, AZƏRTAC

Beynəlxalq Türk Mədəniyyəti və İrsi Fondu iyulun 4-də Ermənistan silahlı qüvvələri tərəfindən Azərbaycanın Füzuli rayonunun Alxanlı kəndinin mülki əhalisinin atəşə tutulması nəticəsində Sahibə Quliyeva və nəvəsi 2 yaşlı Zəhranın həlak olması, digər mülki şəxsin yaralanması və mülki obyektlərə xeyli dərəcədə ziyan vurulması ilə bağlı bəyanat verib.

Fonddan AZƏRTAC-a daxil olan bəyanatda deyilir: “Ermənistanın belə təcavüzkar siyasəti terrorun bəşəriyyət üçün əsaslı təhlükəyə çevrildiyi bir zamanda onların terrorçu mahiyyətini bir daha sübut edir.

Beynəlxalq Türk Mədəniyyəti və İrsi Fondu Ermənistanın vandalizm aktını qətiyyətlə pisləyir, bütün beynəlxalq təşkilatları və dünya ictimaiyyətini bu ölkənin işğalçılıq siyasətinə, Ermənistan silahlı qüvvələrinin təxribatı nəticəsində günahsız insanların, hətta uşaqların həlak olmasına hüquqi qiymət verməyə, belə hallar ilə kəskin şəkildə mübarizə aparmağa və onların qarşısının alınması, bütövlükdə sülhün və təhlükəsizliyin, eləcə də ölkələrin ərazi bütövlüyünün qorunması istiqamətində səylərini birləşdirməyə çağırır”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.