DÜNYA


Beynəlxalq müsabiqədə Azərbaycanın gənc ifaçıları laureat adını qazanıb

A+ A

Daşkənd, 26 noyabr, AZƏRTAC

Özbəkistan Təhsil Nazirliyi və Bəstəkarlar İttifaqının təşəbbüsü ilə Daşkənddə gənc ifaçıların “Ana yurdun nəğmələri” adlı ikinci beynəlxalq müsabiqəsi keçirilib.

Tədbirdə Müstəqil Dövlətlər Birliyi və digər ölkələrin ali və orta ixtisas musiqi məktəblərinin gənc ifaçıları iştirak edib.

Müsabiqədə ölkəmizi Üzeyir Hacıbəyli adına Bakı Musiqi Akademiyasının tələbələri Mahir Hacıyev (kamança), İbrahim Babayev (tar) və akademiyanın nəzdindəki Musiqi Kollecinin tələbəsi Samir Əzimov (tar) təmsil ediblər. 400-dən artıq gənc ifaçının iştirak etdiyi müsabiqədə 36 nəfər laureat adını qazanıb. Azərbaycanın gənc ifaçıları da onların arasındadır. Belə ki, müsabiqədə Mahir Hacıyev və İbrahim Babayev birinci, Samir Əzimov isə üçüncü yerə layiq görülüblər.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.