İQTİSADİYYAT


“Bibiheybətneft” NQÇİ-də SAP UOM sisteminin tətbiqinə başlanılır

Bakı, 23 iyun, AZƏRTAC

“Bibiheybətneft” Neft və Qazçıxarma İdarəsində SOCAR-ın yataqların işlənməsi üzrə vitse-prezidenti Yaşar Lətifovun sədrliyi ilə SAP ERP sisteminin Hasilatın İdarəolunması Modulunun (SAP UOM) tətbiqi və 2018-ci il üzrə NQÇİ-nin iş proqramının ilkin variantının müzakirəsinə həsr olunmuş yığıncaq keçirilib.

SOCAR-dan AZƏRTAC-a bildiriblər ki, tədbirdə SOCAR-ın baş ofisinin, İnformasiya Texnologiyaları və Rabitə İdarəsinin, “Azneft” İB-nin, eyni zamanda, NQÇİ-nin rəhbər nümayəndələri iştirak ediblər.

Yığıncaqda qeyd olunub ki, SAP UOM modulunun “Azneft” İB-nin neft-qazçıxarma idarələrində tətbiqi hasilatın uçotunun təkmilləşdirilməsinə və hesabatların dəqiq aparılmasına, eləcə də quyular üzrə operativ uçotun və nəzarətin təşkil edilməsinə böyük imkanlar yaradır.

Tədbirdə modulun “Bibiheybətneft” NQÇİ-də tətbiq olunması nəticəsində əldə edilən effektivlik, proqramın funksionallığı və onun gələcəkdə təkmilləşdirilməsi üzrə görüləcək işlər nəzərə alınıb, SOCAR-ın müştərək müəssisələrində də istifadə imkanları barədə müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.