REGİONLAR


Biçdiyi arpa sahəsinin yerində küncüt əkən Biləsuvar sakini 3,5 ton məhsul gözləyir VİDEO

A+ A

Biləsuvar, 18 oktyabr, İ.Adıyev, AZƏRTAC

Biləsuvar rayon sakini Anar Abbasov bu il ilk dəfə olaraq təsərrüfatında əkdiyi küncütdən məhsul əldə edib. Təsərrüfat sahibi arpa sahəsini biçdikdən sonra yerində küncüt əkib.

AZƏRTAC xəbər verir ki, A.Abbasov iki hektar sahəyə cəmi 10 kiloqram toxum işlədib, əvəzində 3,5 ton məhsul götürməyi planlaşdırır. Az su tələb edən bu bitki, yayda cəmi 3 dəfə suvarılıb. Əkin zamanı taxılsəpən texnikadan istifadə olunsa da, məhsul yığımı əllə aparılır. Küncüt bitkisi bir-bir kəsilir, sonra topa halında bağlanaraq qurudulması üçün anbarlara daşınır.

Küncütü əsasən çörək və şirniyyat bişirən müəssisələr alır.

Bir kiloqramı 3-5 manata olan küncütün satışından 10 min manatdan çox gəlir götürməyi planlaşdıran fermer gələn il əkin yerini daha da genişləndirmək niyyətindədir.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.