CƏMİYYƏT


Bir neçə onillikdən sonra hansı heyvanların nəsli kəsilə bilər?

A+ A

Bakı, 30 iyul, AZƏRTAC 

Dünyanın bir neçə ölkəsinin alimləri 2100-cü ildə hansı heyvanların nəslinin kəsiləcəyini müəyyənləşdirmək üçün araşdırma aparıblar.

AZƏRTAC informinq.ru saytına istinadla xəbər verir ki, bu barədə “Bio Sciense” nəşri məlumat yayıb. Mütəxəssislər qeyd edirlər ki, insanların səylərinə baxmayaraq, benqal pələngi, qara kərgədan və qərb qorillasının populyasiyası getdikcə azalır. Bununla yanaşı, vəhşi öküz və eşşəklərin də nəsli kəsilmək təhlükəsi altındadır. “Əgər bu növlərin qorunub saxlanması istiqamətində əsaslı tədbirlər görülməzsə, bir neçə onillikdən sonra onlar, ümumiyyətlə, yox ola bilər”, - deyə alimlər xəbərdarlıq edirlər.

Tədqiqatçılar, həmçinin bildirirlər ki, heyvanların mövcud növlərinin qorunub saxlanılması indi bəşəriyyəti az düşündürür. Üstəlik məhz insanlar heyvanların qırılmasına səbəb olur. Belə ki, insanlar vəhşi heyvanların yaşadığı əraziləri mənimsəməklə onların axırına çıxırlar. Tədqiqat müəllifləri bildirirlər ki, bu prosesi dayandırmaq üçün insanlar gərək vəhşi təbiətə daha çox qayğı göstərsinlər.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.