CƏMİYYƏT


Bir qrup İran jurnalisti Azərbaycana səfər edəcək

Tehran, 5 iyul AZƏRTAC

İran-Azərbaycanın münasibətləri yüksələn xətlə inkişaf edir və bu münasibətlər gələcəkdə daha intensiv xarakter alacaq.

Bu sözləri İranın Azərbaycandakı səfiri Cavad Cahangirzadə deyib.

Səfir bildirib ki, bu günlərdə İranda Azərbaycan Mədəniyyəti Günlərinin keçirilməsi dostluq və qardaşlığımıza bariz nümunədir. Qarşılıqlı mədəniyyət günlərinin keçirilməsi xalqların bir-birini yaxından tanımasına imkan yaradır.

Diplomat, həmçinin məlumat verib ki, gələn həftə İranın müxtəlif mətbuat orqanlarını təmsil edən bir qrup jurnalist Azərbaycana səfər edəcək. KİV nümayəndələri Bakıda və rayonlarda turizm potensialı, sənaye müəssisələri və tarixi abidələrlə tanış olacaqlar. Media sahəsində əməkdaşlığın əhəmiyyətini qeyd edən C.Cahangirzadə deyib ki, mətbuat hər iki ölkənin ictimaiyyətini qarşılıqlı surətdə məlumatlandırmaq baxımından əvəzsiz vasitədir.

 

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.