REGİONLAR


Birinci Gəncə Beynəlxalq Musiqi Festivalının xarici qonaqları Nizami yurdu ilə tanış olublar

Gəncə, 28 may, Rauf Hacıyev, AZƏRTAC

Birinci Gəncə Beynəlxalq Musiqi Festivalında iştirak etmək üçün şəhərə gələn Rusiya, Belarus və Tacikistandan olan qonaqlar Nizami yurdunun gəzməli-görməli yerləri ilə tanış olublar.

AZƏRTAC xəbər verir ki, “Gəncə - 2017 MDB Dövlətlərinin Mədəniyyət Paytaxtı" layihəsi çərçivəsində şəhərə gələn nümayəndə heyətinə ziyarət etdikləri Heydər Əliyev Park Kompleksi, Gəncə Qala Qapıları Arxeologiya və Etnoqrafiya Muzeyi Abidə Kompleksi, Nizami Gəncəvi məqbərəsi və dahi şairin ev muzeyi haqqında ətraflı məlumat verilib.

Bu gün axşam saatlarında isə Heydər Əliyev Park Kompleksindəki amfiteatrda keçiriləcək l Gəncə Beynəlxalq Musiqi Festivalında N.P.Osipov adına Rusiya Xalq Çalğı Alətləri Milli Akademik Orkestrinin gənc solistlər ansamblı, Tacikistan Respublikasının məşhur “Bazmoro” rəqs ansamblı, Belarus Respublikasının əməkdar kollektivi, Belarus Dövlət Filarmoniyasının “Kupalinka” folklor qrupu çıxış edəcək.

Həmçinin Gəncə Dövlət Filarmoniyasının kamera orkestri, “Göygöl” Dövlət Mahnı və Rəqs Ansamblı, və Bakı şəhərindən gələn tanınmış incəsənət ustaları musiqisevərlərə maraqlı konsert proqramı təqdim edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.