DÜNYA


Bob Dilan ədəbiyyat üzrə Nobel mükafatını qəbul etməyə razılıq verib

A+ A

Stokholm, 29 oktyabr, AZƏRTAC

Amerikalı məşhur yazıçı, mahnı sözlərinin müəllifi və ifaçısı, rəssam və kinoaktyor Bob Dilan İsveç Akademiyasına bildirib ki, ədəbiyyat üzrə ona verilmiş Nobel mükafatını qəbul etməyə razıdır.

Bu barədə Nobel komitəsinin saytında xüsusi məlumat dərc edilib.

Nobel komitəsinin əməkdaşları uzun müddət bu musiqiçi ilə əlaqə saxlaya bilməyiblər. Komitənin nümayəndələri müğənnini tapmağa cəhd edərək onun dostları ilə əlaqə saxlayır və hətta Dilanın hərəkətlərini təkəbbür kimi qiymətləndirirdilər.

Lakin sonradan Bob Dilan özü Komitənin əməkdaşları ilə əlaqə saxlayıb. Akademiyanın daimi katibi Dilanın mükafatı qəbul edib-etməyəcəyini soruşanda o deyib: “Mükafatı qəbul edirəmmi? Əlbəttə!”.

Laureat onu da qeyd edib ki, bu mükafatın ona verilməsi barədə xəbəri eşidəndə nitqi tutulub. O həmçinin bildirib ki, İsveç Akademiyasının seçimini özü üçün şərəf sayır.

Xatırladaq ki, oktyabrın 13-də İsveç Akademiyası bu musiqiçiyə “Amerika mahnı ənənələri çərçivəsində yeni poetik ifadə forması yaradılmasına görə” Nobel mükafatı verib.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.