REGİONLAR


Boks üzrə muxtar respublika birinciliyi başa çatıb

A+ A

Naxçıvan, 22 noyabr, AZƏRTAC

Naxçıvan şəhərindəki İlham Əliyev adına Olimpiya İdman Kompleksində keçirilən boks üzrə yeniyetmə, gənclər və kişilər arasında Naxçıvan Muxtar Respublika birinciliyinə yekun vurulub.

AZƏRTAC xəbər verir ki, Naxçıvan Muxtar Respublikası Gənclər və İdman Nazirliyi ilə Boks Federasiyasının birgə təşkil etdiyi və Azərbaycan Respublikasının dövlət müstəqilliyinin bərpasının 25-ci ildönümünə həsr olunmuş birincilikdə 100-ə yaxın idmançı mübarizə aparıb.

Beynəlxalq Boks Federasiyasının mövcud qaydalarına uyğun olaraq təşkil edilən yarış olimpiya sistemi üzrə keçirilib.

Birinciliyin yekun nəticəsinə əsasən, Hüseyn Hüseynov, Ümid Abbasov, Ülvi Süleymanov, Ayxan Qubuşov, Nadir Cəfərov, Kamran Allahverdiyev, Yenisey İmanov, İbrahim Cəfərzadə, Yuris Allahverdiyev və Məhəmmədəli Bağırov müvafiq olaraq 35, 40, 45, 50, 53, 57, 60, 64, 69 və 75 kiloqram çəki dərəcələrində rəqiblərinə qalib gələrək birinciliyin qalibi adını qazanıblar.

Qaliblər Naxçıvan Muxtar Respublikası Gənclər və İdman Nazirliyi və Boks Federasiyası tərəfindən diplom və hədiyyələrlə mükafatlandırılıblar.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.