İDMAN


Boksçularımız “Heydər Əliyev kuboku-2017”ni 19 medalla başa vurublar

Bakı, 14 iyun, AZƏRTAC 

Naxçıvanda yeniyetmə oğlan boksçular arasında keçirilən “Heydər Əliyev kuboku-2017” beynəlxalq turniri başa çatıb.

AZƏRTAC xəbər verir ki, iyunun 14-də baş tutan final görüşlərindən sonra bütün mükafatçıların adına aydınlıq gəlib.

Turnirə 2 komanda ilə qatılan yığmamız 4 qızıl, 5 gümüş və 10 bürünc medal qazanıb. Komanda hesabında millimizi Qazaxıstan izləyib. Onlar Naxçıvanda 4 qızıl və 5 bürünc medala yiyələniblər.

İran yığmasının mükafat qazanmadığı turnirdə Özbəkistan (3 qızıl, 1 gümüş, 2 bürünc), Gürcüstan (1-4-1) və Ukrayna (0-1-5) 6, Qırğızıstan 4 (1-0-3), Macarıstan (0-1-0) və Rusiya hərəyə 1 (0-1-0) medala sahib olublar.

Azərbaycan boksçularından fəxri kürsünün ən yüksək pilləsinə Maqsud Xasmetov (46 kq), Rüfət Fətullayev (48 kq), Elşən Cəbizadə (57 kq) və Rüfət Nəbiyev (66 kq) qalxıblar. Gümüş mükafatlara Əzrək Bəbirov (52 kq), Ağasəlim Mustafazadə (54 kq), İbrahim Cəfərzadə (63 kq), Cavid Qurbanov (70 kq) və Vüqar Səmədov (80 kq-dan yuxarı) sahib olublar. Bürünc medallarla isə Sənan Əhmədov, Eltac Cəfərzadə (hər ikisi 48 kq), Kənan Abışov, Kənan Səfiyev (hər ikisi 50 kq), Əhməd Rzayev (52 kq), Rəşid Həsənov (54 kq), Samir Nəsirov (60 kq), Səlim Səlimov (63 kq), Yusif Allahverdiyev (70 kq) və Murad Allahverdiyev (75 kq) kifayətləniblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.