MƏDƏNİYYƏT


“Bölgələrdən səslər-3” layihəsinin yekun tədbiri keçiriləcək

Bakı, 23 iyun, AZƏRTAC

İyunun 29-da Bakıda Dünya Gənc Türk Yazarlar Birliyinin (DGTYB) Gənclər və İdman Nazirliyinin dəstəyi ilə həyata keçirdiyi dörd aylıq “Bölgələrdən səslər-3” layihəsinin yekun tədbiri keçiriləcək.

DGTYB-dən AZƏRTAC-a bildirilib ki, tədbirdə layihə çərçivəsində nəşr edilmiş “Bölgələrdən səslər-3” antologiyasının təqdimatı da nəzərdə tutulur. Xatırladaq ki, antologiyanın birinci cildi 2012-ci, ikinci cildi isə 2014-cü ildə işıq üzü görüb.

Respublikamızın müxtəlif bölgələrində yaşayıb-yaradan, gələcək vəd edən gənclərin ədəbi örnəklərini əhatə edən antologiyanın hər iki cildi ədəbi mühitdə maraqla qarşılanıb.

Qeyd edək ki, sözügedən layihənin yekun tədbiri – antologiyanın təqdimatı və “Gənc yazarların poeziya gecəsi” Binəqədi Gənclər Evində gerçəkləşəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.