MƏDƏNİYYƏT
“Bölgələrdən səslər-3” layihəsinin yekun vurulub
Bakı, 30 iyun, AZƏRTAC
İyunun 29-da Bakıda Dünya Gənc Türk Yazarlar Birliyinin (DGTYB) Gənclər və İdman Nazirliyinin dəstəyi ilə həyata keçirdiyi “Bölgələrdən səslər-3” layihəsinin yekun tədbiri keçirilib.
DGTYB-dən AZƏRTAC-a bildirilib ki, Binəqədi Gənclər Evində reallaşan tədbirdə, layihə çərçivəsində nəşr edilmiş “Bölgələrdən səslər-3” antologiyasının təqdimatı olub. Həmçinin tədbir çərçivəsində respublikamızın müxtəlif regionlarından olan gənc yazarların iştirakı ilə poeziya gecəsi də təşkil edilib.
Xatırladaq ki, antologiyanın birinci cildi 2012-ci, ikinci cildi isə 2014-cü ildə işıq üzü görüb. Respublikamızın müxtəlif bölgələrində yaşayıb-yaradan, gələcək vəd edən gənclərin ədəbi örnəklərini əhatə edən antologiyanın hər iki cildi ədəbi mühitdə maraqla qarşılanıb.