REGİONLAR


Bölgələrimizlə tanışlıq məktəblilərin biliklərinin zənginləşdirilməsində xüsusi rol oynayır

A+ A

Qəbələ, 15 noyabr, Şahnəzər Bəşirov, AZƏRTAC

Qəbələyə səfərimiz maraqlı və yaddaqalan oldu. Rayonda görülən işlər, eləcə də tarixi məkanlar, gözəl təbiət bizdə zəngin təəssürat yaratdı.

Bu sözləri AZƏRTAC-a müsahibəsində “Ölkəmizi tanıyaq” devizi ilə keçirilən maarifləndirici tur-aksiyanın iştirakçısı, Saatlı rayonu Əlisoltanlı kənd orta məktəbinin IX sinif şagirdi Fidan Mirzəyeva bildirib.

O qeyd edib ki, şagirdlərin bölgələrə ekskursiyası, qədim tariximizin, adət-ənənələrimizin öyrənilməsi, mədəniyyət abidələrimizin ziyarət olunması, turizm mərkəzləri və başqa gəzməli-görməli yerlərlə tanışlıq onların biliklərinin zənginləşdirilməsində xüsusi rol oynayır.

Söhbətə qoşulan tur-aksiyanın digər iştirakçısı, Cəbrayıl rayon məktəblisi Şəbnəm Məmmədova ekskursiya zamanı həm də mənalı istirahət etdiklərini bildirib. O deyib: “Prezident İlham Əliyevin tapşırığına əsasən orta məktəblərin IX-XI sinif şagirdləri üçün Azərbaycanın bölgələrinə ekskursiya etmək imkanının yaradılması və bu gözəl təşəbbüsün uğurla reallaşdırılması hamımızın ürəyincədir. Maarifləndirici tur-aksiyada bizə Azərbaycanın bölgələri barədə daha ətraflı məlumatlar verilir, rayonlarımızın müasir siması ilə yaxından tanış oluruq. Eyni zamanda, tur-aksiya çərçivəsində özümüzə yeni dostlar qazanırıq”.

Fidan və Şəbnəm tur-aksiyadan zəngin təəssüratla geri dönəcəklərini bildiriblər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.