DÜNYA


Böyük Britaniyada dünyanın ən böyük külək elektrik stansiyası tikiləcək

A+ A

Bakı, 17 avqust, AZƏRTAC

Böyük Britaniya hökuməti dünyanın ən böyük sahilyanı külək elektrik stansiyasının tikintisinə icazə verib.

AZƏRTAC Vestifinance.ru saytına istinadla xəbər verir ki, “Hornsea Project Two” adlı bu elektrik stansiyasının gücü 1,8 qiqavatt olacaq. 200 turbindən ibarət yeni stansiya İngiltərənin şimal-qərbində Yorkşir yaxınlığında inşa olunacaq və 1,8 milyon evi elektrik enerjisi ilə təmin edəcək.

Bundan başqa, layihə tikinti sektorunda 2 minə yaxın, təmir və texniki xidmət sahəsində isə 560 iş yeri açmağa imkan verəcək.

“The Guardian” qəzeti Britaniya hökumətinin bu qərarı “Hinkley Point C” adlı yeni atom elektrik stansiyasının tikintisi ilə bağlı yaranmış qeyri-müəyyənlik fonunda verdiyinə diqqət çəkir. Belə ki, Britaniyanın Baş naziri Tereza Mey AES-lə bağlı qərarı payızadək təxirə salıb.

Küləklə işləyən elektrik stansiyalarının yeni atom elektrik stansiyasının tikintisindən ucuz başa gələcəyi bildirilir. Bundan başqa, 2020-ci ilin ortalarında tikilməsi nəzərdə tutulan AES Böyük Britaniya üçün 7 faiz enerji istehsal edəcəyi halda, külək elektrik stansiyaları o vaxt lazım olan elektrik enerjisinin 10 faizini verməyə qadir olacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.