İQTİSADİYYAT


Böyük Britaniyanın təşkilatı Azərbaycan Xəzər Dəniz Gəmiçiliyinin Təlim Tədris Mərkəzinə sertifikat verib

Bakı, 19 iyul, AZƏRTAC

Böyük Britaniyanın nüfuzlu “The Nautical İnstitute” təşkilatının nümayəndə heyətinin bu il iyul ayının 6-7-də keçirdiyi yoxlamanın nəticələrinə əsasən “Azərbaycan Xəzər Dəniz Gəmiçiliyi” QSC-nin Təlim Tədris Mərkəzinin Dinamik Mövqe Saxlama Simulyatoruna sertifikat verilib.

“Azərbaycan Xəzər Dəniz Gəmiçiliyi” QSC-nin mətbuat xidmətindən AZƏRTAC-a bildirilib ki, bu sertifikat “DP İnduction” və “DP Simulator” təlimlərinin keçirilməsinə şərait yaradır.

Məlumat üçün bildirək ki, Dinamik Mövqe Saxlama Simulyatoru gəmi mövqeyini və gəminin istiqamətini saxlamaq üçün kompüter nəzarət sistemidir.

Beləliklə, hazırda Təlim Tədris Mərkəzi dünyada “DP İnduction” və “DP Simulator” təlimlərinin keçirilməsinə səlahiyyəti olan 95 mərkəzdən biri, Azərbaycanda isə yeganə təşkilatdır.

Qeyd edək ki, Azərbaycan Xəzər Dəniz Gəmiçiliyi” QSC-nin Təlim Tədris Mərkəzi Dinamik Mövqe Saxlama Simulyatorunun sertifikatlaşdırılması və Mərkəzin “The Nautical İnstitute” təşkilatı tərəfindən akkreditasiyaya alınması üçün ciddi işlər görüb. Mərkəz sözügedən təşkilatın yanvarın 1-də yenilənmiş standartına uyğun olaraq Dinamik Mövqe saxlama üzrə tədris proqramları, praktiki məşğələlər və qiymətləndirmə üçün zəruri vəsaitlər hazırlayıb. Bununla yanaşı, TTM-də tətbiq edilən “Təlim İdarəetmə Sistemi” təkmilləşdirilib, mərkəz infrastrukturunun beynəlxalq tələblərə uyğunluğu daha da artırılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.