İQTİSADİYYAT


“Böyükşor" yol qovşağının yaxınlığında yeni yağış-kanalizasiya xətti çəkilir VİDEO

A+ A

Bakı, 16 noyabr, AZƏRTAC

Heydər Əliyev prospektinin “Böyükşor" yol qovşağından “Sabunçu" yol qovşağı istiqamətində, yolun hərəkət hissəsinə yığılıb qalan səth sularının normal kənarlaşdırılmasını təmin etmək üçün yağış-kanalizasiya sisteminin qoşulduğu və yaxınlıqdakı nasos stansiyasına gedən xəttin bir hissəsi “Azəravtoyol” ASC tərəfindən yenilənir.

ASC-nin mətbuat xidmətindən AZƏRTAC-a bildirilib ki, bu işlər 2016-2017-ci illər payız-qış mövsümünə hazırlıq, avtomobil yollarının və yol qurğularının normal istismarını, hərəkətin fasiləsizliyini və təhlükəsizliyini təmin etmək məqsədilə hazırlanan tədbirlər planına uyğun olaraq görülür.

Yeni salınan yağış-kanalizasiya xəttinin uzunluğu 152 metr, burada istifadə olunan boruların diametri isə 400 millimetrdir. Xəttin tikintisi üçün torpaq 3-4 metr dərinlikdə qazılaraq, borular qoyulur, hər 25-30 metrdən bir isə diametri 1,27 metr, dərinliyi isə 3,5 metr olan nəzarət quyuları qurulur.

İşlərin tez bir zamanda yekunlaşdırılması planlaşdırılır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.