DÜNYA


Braziliya senatı Dilma Russeffin impiçmenti ilə bağlı dinləmələrə başlayır

A+ A

Bakı, 25 avqust, AZƏRTAC

Braziliya senatı bu gün ölkə prezidenti Dilma Russeffin maliyyə pozuntuları ilə əlaqədar impiçmenti məsələsinin müzakirəsinə başlayacaq.

AZƏRTAC Euronews telekanalına istinadla xəbər verir ki, senatın iclası məhkəmə dinləmələri şəklində keçiriləcək. Tərəflərin vəkilləri və şahidləri, həmçinin Dilma Russeff senatorlar qarşısında çıxış edəcəklər.

Bu ərəfədə tərəfdarları qarşısında çıxış edən Russeff yenidən bütün ittihamları rədd edərək günahsız olduğunu bildirib: “Mən heç vaxt korrupsiya yolu ilə pul qazanmamışam. Mənim başıma gələnlər Braziliyada demokratiyanın sarsılmasına açıq işarədir. Biz belə halların təkrarlanmaması üçün əlimizdən gələni etməliyik”.

Avqustun 29-da Dilma Russeffin senatda son söz ilə çıxış edəcəyi, avqustun 31-də isə senatorların yekun səsverməsinin keçiriləcəyi gözlənilir.

İmpiçmentin qəbul ediləcəyi təqdirdə dövlət başçısı postunu vitse-prezident və hazırda prezidentin səlahiyyətlərini icra edən Mişel Temer tutacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.