İDMAN


Braziliya yığması dünya çempionatının seçmə mərhələsində Argentina millisini məğlub edib

A+ A

Bakı, 11 noyabr, AZƏRTAC

Rusiyada keçiriləcək futbol üzrə dünya çempionatının seçmə mərhələsinin Cənubi Amerika qrupu üzrə 11-ci turunun görüşləri oynanılıb.

AZƏRTAC xəbər verir ki, turun ən maraqlı qarşılaşması Braziliya ilə Argentina milliləri arasında keçirilib. Gərgin idman mübarizəsi şəraitində keçən qarşılaşma Braziliya yığmasının 3:0 hesablı qələbəsi ilə başa çatıb. Oyunda hesabı matçın 25-ci dəqiqəsində Koutunyo açıb. İlk hissənin sonuncu – 45-ci dəqiqəsində Neymar hesab arasındakı fərqi iki topa çatdırıb. Matçın 59-cu dəqiqəsində isə Paulinyo braziliyalıların qələbəsini rəsmiləşdirib.

Qrupun digər favoriti Uruqvay millisi isə doğma meydanda Ekvador üzərində 2:1 hesablı qələbə qazanıb. Kolumbiya-Çili görüşündə qalib müəyyənləşməyib – 0:0. Peru səfərdə Paraqvayı (4:1), Venesuela ilə doğma meydanda Boliviyanı (5:0) məğlub edib.

On birinci turdan sonra xallarının sayını 24-ə çatdıran Braziliya yığması qrupa liderlik edir. İkinci yerdə qərarlaşan Uruqvay yığmasının aktivində 23 xal var. Kolumbiya 18 xalla üçüncüdür. Aktivlərində 17 xal olan Ekvador dördüncü, Çili isə beşincidir. Argentina yığması 16 xalla altıncı, Paraqvay millisi isə 15 xalla yeddinci sıradadır. Sonrakı yerlərdə isə Peru (14 xal), Venesuela (5 xal) və Boliviya (4 xal) qərarlaşıblar.

Qeyd edək ki, seçmə mərhələnin yekununda Cənubi Amerika qrupu üzrə dörd komanda mundiala birbaşa vəsiqəni təmin edəcək. Beşinci yerin sahibi isə pley-off mərhələsində mübarizə aparacaq.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.