DÜNYA


“Brexit”: Çexiya hökuməti Aİ-nin ofislərini Londondan öz ölkəsinə cəlb etmək istəyir

A+ A

Praqa, 15 iyul, AZƏRTAC 

Böyük Britaniyanın Aİ-dən çıxması Çexiya hökumətinə qərargahı Londonda yerləşən Avropa İttifaqı transmilli korporasiya və agentliklərinin ofislərini öz ölkəsinə gətirmək imkanı yaradır. Bu barədə Çexiyanın Avropa İttifaqı məsələləri üzrə dövlət katibi Tomaş Prauza hökumətin “Brexit” məsələlərinə dair işçi qrupu ilə keçirdiyi ilk görüşdən sonra jurnalistlərə məlumat verib. Onun sözlərinə görə, Böyük Britaniyanın Aİ-dən çıxmasından sonra təşkilatın ofisləri, məsələn, Avropa Bank İdarəçiliyi və Avropa Tibb Agentliyinin qərargahları Londondan köçürüləcək. Çexiya Sənaye və Ticarət Nazirliyinə “CzechInvest” agentliyi ilə birlikdə Çexiyada fəaliyyət göstərməyə marağı olan müəssisə və firmaların siyahısını tərtib etmək tapşırığı verilib.

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.