DÜNYA


Britaniya polisi: London məscidi yaxınlığındakı hücum terror aktı ola bilər

Bakı, 19 iyun, AZƏRTAC

London məscidi yaxınlığında piyadalara hücumun terror aktı ola biləcəyi istisna edilmir.

AZƏRTAC xəbər verir ki, Böyük Britaniyanın daxili işlər naziri Amber Radd bu versiyanı Sky News telekanalına müsahibəsində səsləndirib. “İnsident lap başlanğıcdan mümkün terror aktı kimi təhqiq olunmağa başlayıb. Biz polisə bütün faktları nəzərdən keçirmək imkanı yaratmalıyıq. Biz insidentin terror aktı olduğunu ehtimal edirik”, - deyə nazir telekanala müsahibəsində bildirib.

Bir qədər əvvəl Baş nazir Tereza Mey də polisin insidenti mümkün terror aktı kimi araşdırdığı barədə məlumat vermişdi.

Xatırladaq ki, iyunun 19-na keçən gecə Londonun şimalında sürücü avtomobili məsciddən qayıdan insanların üzərinə sürüb. Hücum nəticəsində 1 nəfər həlak olub, 10 nəfər yaralanıb. Xəsarət alanların 8-i xəstəxanaya yerləşdirilib. Hadisə ilə əlaqədar 48 yaşlı kişi saxlanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.