SİYASƏT
Britaniyanın Azərbaycandakı səfirliyində Mançesterdə törədilmiş terror aktı qurbanlarının xatirəsi anılıb
Bakı, 24 may, AZƏRTAC
Böyük Britaniyanın Mançester şəhərində törədilmiş terror aktı qurbanlarının xatirəsinin yad edilməsi üçün bu ölkənin Azərbaycandakı səfirliyində xatirə kitabı açılıb.
İqtisadiyyat Nazirliyinin mətbuat xidmətindən AZƏRTAC-a bildiriblər ki, iqtisadiyyat naziri, Azərbaycan Respublikasının Hökuməti ilə Böyük Britaniya və Şimali İrlandiya Birləşmiş Krallığının Hökuməti arasında iqtisadi əməkdaşlıq üzrə Birgə Hökumətlərarası Komissiyanın həmsədri Şahin Mustafayev səfirliyə gələrək terror aktı nəticəsində həlak olanların ailələrinə və yaxınlarına Azərbaycan hökuməti adından başsağlığı verib, xatirə kitabına ürək sözlərini yazıb.