İDMAN


Bu gün “Qəbələ” klubu Avroliqada Yunanıstanın “Panatinaikos” komandası ilə ilk oyuna çıxacaq VİDEO

Bakı, 27 iyul, AZƏRTAC

Bu gün “Qəbələ” klubu futbol üzrə UEFA Avropa Liqasının üçüncü təsnifat mərhələsinin ilk oyununa çıxacaq.

AZƏRTAC xəbər verir ki, bu mərhələ çərçivəsində Azərbaycan təmsilçisi səfərdə Yunanıstanın “Panatinaikos” komandası ilə qarşılaşacaq.

Görüşü İspaniyadan olan hakimlər briqadası idarə edəcək. Matçın baş hakimi Xuan Martines Munuera olacaq. Ona həmyerliləri Dieqo Barbero Sevilya və Sezar Manuel Noval Font kömək edəcəklər. Dördüncü hakim funksiyasını isə Mario Melero Lopez yerinə yetirəcək.

Afinadakı “Apostolos Nikolaidis” stadionunda keçiriləcək qarşılaşma Bakı vaxtı ilə saat 22:30-da start götürəcək.

Komandalar arasında cavab matçı avqustun 3-də Bakıda olacaq.

“Qırmızı-qaralar” iki görüşün nəticəsinə görə Yunanıstan təmsilçisindən üstün olsalar, pley-off mərhələsinə yüksələcəklər.

Xatırladaq ki, Azərbaycan təmsilçisi ikinci təsnifat mərhələsində Polşanın “Yagelloniya” klubunu mübarizədən kənarlaşdırmışdı.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.