İDMAN


Bu gün UEFA Avropa Liqasının üçüncü təsnifat mərhələsinin püşkü atılacaq

A+ A

Bakı, 15 iyul, AZƏRTAC 

Bu gün UEFA Avropa Liqasının üçüncü təsnifat mərhələsinin püşkü atılacaq.

AZƏRTAC xəbər verir ki, İsveçrənin Nyon şəhərində keçiriləcək tədbir Bakı vaxtı ilə saat 15:00-da başlayacaq.

Azərbaycanı Avropa Liqasında təmsil edən hər üç klub – “Qəbələ”, “Neftçi” və “Kəpəz” səpələnməmişlər səbətində yer alıb. Bu isə o deməkdir ki, klublarımız ilk iki təsnifat mərhələsi ilə müqayisədə daha güclü komandalara rəqib olacaq. Bunun üçün klublarımız ikinci təsnifat mərhələsini qalib başa vurmalıdır. Klublarımızın bütün potensial rəqibləri bunlardır:

Üçüncü qrup - “Qəbələ”nin potensial rəqibləri – “Lill” (Fransa), “Panatinaikos” (Yunanıstan), “Maribor” (Sloveniya) – “Levski” (Bolqarıstan), “Austriya” (Avstriya) – “Kukesi” (Albaniya), “Nomme Kalyu” (Estoniya)– “Makkabi” (Hayfa), “Hayduk” (Xorvatiya) – “İaşi” (Rumıniya) cütlərinin qalibləri,

Dördüncü qrup – “Neftçi”nin potensial rəqibləri – “Genk” (Belçika) – “Buduçnost” (Çernoqoriya) cütünün qalibi, “Rapid” (Avstriya), “Herta” (Almaniya), “Rieka” (Xorvatiya), “Aruça” (Portuqaliya), “Mlada Boleslav” (Çexiya),

Beşinci qrup – “Kəpəz”in potensial rəqibləri – “Gent” (Belçika), “Slovan” (Çexiya), “Vest Hem” (İngiltərə), “Apollon” (Kipr), “Mitdyulland” (Danimarka) – “Vaduts” (Lixtenşteyn), HJK (Finlandiya) – “Beroe” (Bolqarıstan) cütlərinin qalibləri.

Qeyd edək ki, üçüncü təsnifat mərhələsinin oyunları iyulun 28-də və avqustun 4-də keçiriləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.