İyunun 21-də növbəti buraxılış imtahanları keçirilib
Bakı, 21 iyun, AZƏRTAC
İyunun 21-də Tələbə Qəbulu üzrə Dövlət Komissiyası (TQDK) Ağcabədi, Ağdam, Zərdab, Bərdə, Tərtər, Füzuli, Beyləqan, Göyçay, Ucar, Kürdəmir, Ağdaş, Yevlax, Ağsu, Abşeron, Sumqayıt, Naxçıvan, Babək, Kəngərli, Culfa, Ordubad, Şərur, Şahbuz, Sədərək şəhər və rayonlarındakı orta ümumtəhsil müəssisələrinin, eləcə də Heydər Əliyev adına Hərbi Liseyin, C.Naxçıvanski adına Hərbi Liseyin buraxılış siniflərində təhsil alan 47 min 260 şagird (26 min 72 nəfər IX, 21 min 188 nəfər XI sinif şagirdi) üçün mərkəzləşdirilmiş qaydada buraxılış imtahanları keçirib.
TQDK-dan AZƏRTAC-a bildiriblər ki, IX sinif şagirdləri üçün imtahan saat 10.00-da başlanıb və 2 saat ərzində aparılıb. XI sinif şagirdləri üçün isə imtahan saat 15.00-da başlanıb və 2 saat 45 dəqiqə davam edib.
İyunun 22-dən etibarən Komissiyada imtahan protokollarının və cavab kartlarının emalı aparılacaq. Nəticələr yaxın günlərdə elan olunacaq.
Bölmənin digər xəbərləri
