İQTİSADİYYAT


“Bu günün gənci, sabahın sahibkarı”  mövzusunda təlim keçirilib

A+ A

Bakı, 30 avqust, AZƏRTAC 

Vergilər Nazirliyi yanında Bakı Vergilər Departamentinin Vergi ödəyicilərinə xidmət və uçot idarəsi Azərbaycan Respublikasının Prezidenti yanında Gənclər Fondu tərəfindən dəstəklənən “Bu günün gənci, sabahın sahibkarı” layihəsi çərçivəsində gənc sahibkarlar və sahibkarlıq fəaliyyəti ilə məşğul olmaq istəyən gənclər üçün vergilərlə bağlı təlim keçirib.

Nazirliyin mətbuat xidmətindən AZƏRTAC-a bildirilib ki, tədbir iştirakçılarına Azərbaycanın vergi sistemi barədə ətraflı məlumat verilib.

Nəzərə çatdırılıb ki, vergi sistemində aparılan islahatlar nəticəsində ölkədə müasir vergi inzibatçılığı formalaşıb, vergi orqanları tərəfindən sahibkarlığın inkişafının dəstəklənməsi, özəl sektorun fəaliyyətinin genişləndirilməsi, investisiya qoyuluşlarının stimullaşdırılması, vergi orqanları ilə vergi ödəyiciləri arasında münasibətlərin qarşılıqlı hörmət və etimada əsaslanan çevik və şəffaf mexanizmlər əsasında qurulması məqsədilə vergi qanunvericiliyinin və vergi inzibatçılığının təkmilləşdirilməsi istiqamətində mühüm tədbirlər görülüb.

Sonra tədbir iştirakçılarının vergilərin növləri, vergi ödəyicilərinin qeydiyyatı və uçotu, POS-terminalların və nəzarət kassa aparatlarının tətbiqi qaydaları, vergi yoxlamaları, Vergilər Nazirliyi tərəfindən göstərilən xidmətlər, nazirliyin rəsmi internet səhifəsi və 195 Çağrı Mərkəzinin fəaliyyəti ilə bağlı çoxsaylı sualları cavablandırılıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.