İQTİSADİYYAT


Bu il SOCAR-ın yeraltı qaz anbarlarına 2 milyard kubmetrədək qaz vurulub

A+ A

Bakı, 15 noyabr, Nihad Budaqov, AZƏRTAC 

SOCAR-ın yeraltı qaz anbarları payız-qış mövsümünə tam hazırdır.

“Azneft” İstehsalat Birliyindən AZƏRTAC-a bildirilib ki, yeraltı qaz anbarlarına qazvurma mövsümü bu ilin aprel ayında başlayıb və birliyin Qaz Anbarlarının İstismarı İdarəsi tərəfindən istismar edilən “Qaradağ” və “Qalmaz” yeraltı qaz anbarlarına təbii qazın vurulması noyabr ayında uğurla başa çatdırılıb. Qazvurma mövsümü ərzində anbarlara ümumilikdə 1 milyard 987 milyon kubmetr qaz vurulub. Keçən ildən qalan qalıq qazla birlikdə yeraltı qaz anbarlarındakı aktiv qazın miqdarı 2 milyard 871 milyon kubmetr təşkil edib. Bu, ölkənin payız-qış mövsümündə təbii qaza olan tələbatının təmin edilməsi istiqamətində əldə olunmuş yüksək göstəricidir.

Bu il ölkə ərazisində qış mövsümünün daha tez başlaması və respublika əhalisinin qaza olan tələbatının artmasını nəzərə alaraq, “Azneft” İstehsalat Birliyinin Qaz Anbarları İstismarı İdarəsində qazgötürmə mövsümünə daha tez başlanılıb. Bununla bağlı olaraq cari ilin oktyabr ayının 24-dən qazgötürmə mövsümü başlanıb. Noyabrın 14-nə olan məlumata əsasən, yeraltı qaz anbarlarından 185,6 milyon kubmetr qaz götürülərək təhvil verilib. Bunun da 167,8 milyon kubmetri “Qaradağ”, 17,7 milyon kubmetri isə “Qalmaz” qaz anbarlarının payına düşüb. Hazırda anbarlardakı aktiv qazın həcmi 2 milyard 685 milyon kubmetr təşkil edir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.