İQTİSADİYYAT


Bu il neft və digər maye yanacaqların qlobal istehlakı gündəlik 98,41 milyon barrel olacaq

Bakı, 9 avqust, Nihad Budaqov, AZƏRTAC

Bu il neft və digər maye yanacaqların qlobal istehlakı sutkada 98,41 milyon barrel olacaq.

AZƏRTAC xəbər verir ki, bu barədə ABŞ-ın Enerji İnformasiya Administrasiyası (EIA) məlumat yayıb. Bildirilir ki, 2018-ci ildə isə qlobal istehlak gündəlik 100,02 milyon barrel təşkil edəcək.

EIA-nın iyuldakı hesabatına görə, neft və digər maye yanacaqların qlobal istehlakı sutkada 98,39 milyon barrel, 2018-cu ilin müvafiq ayında isə bu göstərici gündəlik 100 milyon barrel olacaq. Neft və digər maye yanacaqların qlobal istehlakı 2016-cı ildə sutkada 96,99 milyon barrel təşkil edib.

Agentliyin proqnozuna görə, İqtisadi Əməkdaşlıq və İnkişaf Təşkilatına (OECD) üzv olmayan ölkələrdə maye yanacaq istehlakı 2016-cı ildə sutkada 50,16 milyon barrel olub. Həmin ölkələrdə maye yanacaq istehlakı bu il sutkada 51,29 milyon barrelə, 2018-ci ildə isə gündəlik 52,53 milyon barrelə çatacaq.

İqtisadi Əməkdaşlıq və İnkişaf Təşkilatına üzv ölkələrdə isə maye yanacaq istehlakı 2016-cı ildə sutkada 46,83 milyon barrel təşkil edib. Cari ildə OECD üzrə maye yanacaq istehlakı sutkada 47,12 milyon barrel və 2018-ci ildə isə gündəlik 47,49 milyon barrel olacaq.

Bununla yanaşı, Neft İxrac Edən Ölkələr Təşkilatının (OPEC) xam neft istehsalı 2017-ci ildə gündəlik orta hesabla 32,53 milyon barrel, 2018-ci ildə isə sutkada 32,96 milyon barrel olacağı gözlənilir.

Qeyri-OPEC ölkələrində isə neft və digər maye yanacaqların istehlakı 2017-ci ildə gündəlik 58,98 milyon barrel, 2018-ci ildə 60,10 milyon barrel olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.