DÜNYA


Bu il yayda Dubayda “uçan avtomobillər” işləməyə başlayacaq

Dubay, 13 fevral, AZƏRTAC

Fevralın 12-də Dubayda Dünya Hökumətlər Sammiti (“WorldGovernmentSummit”) açılıb. Həmin sammitdə Dubay Yollar və Nəqliyyat İdarəsi tərəfindən təqdim edilmiş avtonom “uçan avtomobillər” artıq bu ilin iyul ayında işləməyə başlayacaq, 2030-cu ilə qədər isə Dubay avtonom nəqliyyat sahəsində “pioner” olacaq.

Dubay Əmirliyinin Yollar və Nəqliyyat İdarəsinin rəhbəri Matar Əl-Tayer bu barədə həmin sammitdə məlumat verib.

Onun sözlərinə görə, sərnişinlərin yeni, sürücüsüz nəqliyyat növü ilə daşınması nəqliyyat xərclərinə ildə 22 milyard dirhəm qənaət etməyə, yol-nəqliyyat hadisələrinin sayını azaltmağa və ekoloji şəraiti yaxşılaşdırmağa imkan verəcək.

Qeyd etmək lazımdır ki, Çinin “Ehang” şirkəti tərəfindən yaradılmış “uçan avtomobil” sərnişinləri qısa məsafələr daşımağa imkan verən innovasiyalı nəqliyyat vasitəsidir.

Asya Hacızadə

AZƏRTAC-ın xüsusi müxbiri

Dubay

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.