Bu ilin 11ayında partnyor vergiödəyicilərə 4131 məlumatlandırma xidməti göstərilib
Bakı, 21 dekabr, AZƏRTAC
Yanvar-noyabr aylarında partnyor vergiödəyicilərə telefon vasitəsilə 4131 məlumatlandırma xidməti göstərilib, 6889 maarifləndirici bildiriş təqdim edilib, 326 ünvanlı xidmət göstərilib.
Vergilər Nazirliyinin Media və Kommunikasiya Mərkəzindən AZƏRTAC-a bildirilib ki, hazırda respublika üzrə 51 xidmət mərkəzi fəaliyyət göstərir. Bu mərkəzlərdə partnyor vergiödəyicilərinə xidmətlərin göstərilməsinə dair xüsusi masa ayrılıb, reklam lövhəsi yerləşdirilib, partnyor vergiödəyicilərinin növbədənkənar qəbulu üçün növbə terminalının proqram təminatında sürətli keçid üçün “Yaşıl dəhliz” yaradılıb.
Bu ilin 11 ayı ərzində 438 partnyor vergiödəyicisinə müvafiq xidmətlər göstərilib.
Bölmənin digər xəbərləri
