Bakı, 17 sentyabr (AZƏRTAC, Samirə Quliyeva). Maliyyə riskləri ilə yanaşı, iqtisadi durumun stabilləşməsi proseslərinin çətinliyinə baxmayaraq, bu ilin birinci yarısında Azərbaycan Respublikasında bank sektoru üzrə 11 faizədək artım müşahidə edilib. Bu dövrdə ölkənin qabaqcıl banklarından olan “Paşa Bank” 342,320 min manata (436,466 min ABŞ dolları) malik olan cəmi kapital göstəricisinə görə ən iri kommersiya qurumlarından biri kimi mövqeyini qoruyub saxlaya bilib.

AZƏRTAC xəbər verir ki, bu barədə “Paşa Bank”ın idarə heyətinin üzvü, baş investisiya inzibatçısı Taleh Kazımov sentyabrın 17-də bankın bu ilin birinci yarısının maliyyə nəticələri ilə bağlı keçirdiyi mətbuat konfransında bildirib.

Qeyd edilib ki, ilin ilk 6 ayında “PAŞA Bank”ın aktivlərinin ümumi məbləği 998,004 min manat (1,272,477 min ABŞ dolları) təşkil edib. Bu da öz növbəsində müştəri hesablarında istənilən səviyyədə artıma səbəb olub. Bu göstərici 2013-cü il (704,055 min manat / 897,686 min ABŞ dolları) ilə müqayisədə 42 faiz artım deməkdir.

Hesabat dövründə bank ümumi kredit portfelini 10 faiz, yəni 384,522 min manatadək (490,274 min ABŞ dolları) artırmağa nail olub. Ötən ilin sonunda bu göstərici 350,956 min manat (447,363 min ABŞ dolları) təşkil edirdi. Portfel üzrə səmərəli ehtiyat dərəcəsi 3,3 faiz (2013-cü ildə 6,2 faiz) olub.

Hazırda bank inkişafa doğru gedən bazarda davamlı qalaraq və müştərilərinə nümunəvi xidmət göstərərək son bir neçə il ərzində inkişaf etdirdiyi əlaqələrindən yararlanır. Nəticədə “PAŞA Bank” müştəri bazasında 449,188 min manat (572,725 min ABŞ dolları) balans ilə güclü inkişafa nail olub. Qeyd edilən müştəri balansları əsas tələb üzrə və müddətli hesablarda müvafiq olaraq 63 və 37 faiz nisbətində cəmlənib.

Bu ilin ilk altı ayında bankın xalis mənfəəti 2,499 min manatdan (3,186 min ABŞ dolları) ibarət olub ki, bu da 2013-cü ilin (5,490 min manat / 6,999 min ABŞ dolları) müvafiq dövrü ilə müqayisədə 54 faiz aşağıdır. Bankın mənfəət vergisi xərcindən əvvəl mənfəəti 3,938 min manat (5,021 min ABŞ dolları) təşkil edib. Bu dövrdə əməliyyat gəliri 27,414 min manat (34,953 min ABŞ dolları) olub. Bu da 2013-cü ildə əldə olunmuş 25,950 min manat (33,078 min ABŞ dolları) ilə müqayisədə 6 faiz artım deməkdir.

İlin birinci yarısında bankın faiz gəliri 9 faiz artaraq 30,099 min manat (38,377 min ABŞ dolları) təşkil etdiyi halda, qeyri-faiz gəliri 4,191 min manata (5,344 min ABŞ dolları) çatıb. Sənədli əməliyyatlar üzrə göstərici 64,707 min manat (82,503 min ABŞ dolları) olub.

Diqqətə çatdırılıb ki, “PAŞA Bank” üçün hazırkı strateji hədəf 2014-cü ildə ticarətin maliyyələşdirilməsi portfelini 144.000 min manat (183,603 min ABŞ dolları) məbləğinə çatdırmaqdır.

Bank məcmu kapitalın mövcudluğunu Mərkəzi Bankın 45 faiz (2013-cü ildə 36 faiz) kapital tələbinə uyğunlaşdıraraq güclü daxili kapital yüksəlişinə nail olub. Bu il bank səhmdarlara 2013-cü ilin xalis mənfəətindən 14,992 min manat (19,115 min ABŞ dolları) məbləğində dividend ödəyib.