REGİONLAR


Buraxılış imtahanlarında heç bir qanun pozuntusu qeydə alınmayıb

Şəki, 23 iyun, Mustafa Dadaşov, AZƏRTAC

Dövlət İmtahan Mərkəzinin iyunun 23-də Şəki, Oğuz və Mingəçevir şəhərlərində orta ümumtəhsil müəssisələrində təhsil alan IX və XI sinif şagirdləri üçün mərkəzləşdirilmiş qaydada keçirdiyi buraxılış imtahanları uğurla başa çatıb.

Bu barədə AZƏRTAC-a Dövlət İmtahan Mərkəzinin Şəki regional bölməsinin müdiri Səbuhi Hüseynov məlumat verib.

Qurumun rəsmisinin bildirdiyinə görə, imtahanların keçirilməsi üçün Şəki şəhərində 4, Oğuz və Mingəçevir şəhərlərinin hər birində isə 2 imtahan mərkəzi ayrılıb. İmtahanlarda IX siniflər üzrə ümumilikdə 3714 şagirdin, XI siniflər üzrə isə 3294 şagirdin iştirakı nəzərdə tutulub. İmtahanların idarə olunmasına 52 imtahan rəhbəri və 628 nəzarətçi-müəllim cəlb olunub.

Regional bölmənin rəhbəri bildirib ki, bütün imtahan mərkəzlərində buraxılış imtahanları mövcud təlimata uyğun aparılıb və imtahan prosesində heç bir qanun pozuntusu qeydə alınmayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.