DÜNYA


“Çaba” qasırğası səbəbindən 40 minədək yaponiyalı təxliyə oluna bilər

A+ A

Bakı, 5 oktyabr, AZƏRTAC

Güclü “Çaba” tayfununun yaxınlaşdığı Yaponiyanın Xonsyu adasında yerləşən İvate prefekturasının şimal-şərqində yaşayan 39 min sakinə təxliyəyə hazır olmaq tövsiyə edilib.

AZƏRTAC xarici KİV-lərə istinadla xəbər verir ki, hazırda Yaponiyanın qərb sahilləri boyunca hərəkət edən qasırğanın gecə Xonsyu adasının şimalından keçməsi gözlənilir.

Episentrində küləyin sürəti saniyədə 30-45 metrə çatan qasırğa leysan yağışları və hündür dalğalarla müşayiət olunur. Meteoroloqlar xüsusən torpaq sürüşmələri və daşqın riskinin artması səbəbindən təhlükəsizlik tədbirlərinin gücləndirilməsi barədə xəbərdarlıq edirlər.

Cənubi Koreyada qasırğa nəticəsində artıq 2 nəfərin həlak olduğu, 1 nəfərin isə itkin düşdüyü bildirilir.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.