DÜNYA


Çeçenistanda sahibkarların əksəriyyəti alkoqollu içkilərin satışından imtina edib

A+ A

Moskva, 1 dekabr, AZƏRTAC 

Rusiya Federasiyası Çeçenistan Respublikasında alkoqollu içkilərin pərakəndə satışı ilə məşğul olan 16 sahibkarın 14-ü bu içkilərin satışı üçün lisenziyadan imtina edib.

Rusiya mətbuatının məlumatına görə, respublikada yalnız federal mağazalar şəbəkəsində alkoqollu içkilər satılacaq. Qeyd edək ki, Çeçenistanda alkoqol istehsal edilmir və belə içkilərin topdansatış məntəqələri yoxdur.

Çeçenistanda parlamentinin sədri Maqomed Daduyev “İnstaqram” səhifəsində alkoqollu içkilərin satışını dayandırmaq təklifi ilə çıxış edib. Bu qərar bir neçə gün əvvəl respublikada baş vermiş yol qəzasından sonra qəbul edilib. Üç avtomobilin toqquşduğu qəza nəticəsində yeddi nəfər, o cümlədən 2 uşaq həlak olub. İstintaq nəticəsində avtomobillərdən birinin sürücüsünün sərxoş olduğu müəyyən edilib.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.