DÜNYA


Çeske Budeyovitse şəhəri Stalini və Qotvaldı “fəxri vətəndaş” adından məhrum edib

Praqa, 16 may, AZƏRTAC

Cənubi Çexiyada Çeske Budeyovitse şəhərinin nümayəndələri Klement Qotvaldın və İosif Stalinin adlarını fəxri vətəndaşlar siyahısından çıxarmağı qərara alıblar. Tədbirdə iştirak edən 39 nəfərdən 23-ü qərarın “lehinə” səs verib. Sosial-demokrat və vətəndaş-demokratların əksəriyyəti ya səs verməyib, ya da bitərəf qalıb. Qərarın qəbulundan əvvəl geniş diskussiya aparılıb və Kommunist partiyasının üzvləri səsvermədən əvvəl zalı tərk ediblər.

“Şəhər nümayəndələrindən hər birinin öz fikrini söyləmək hüququ olub”, - deyən şəhər meri xatırladıb ki, Qotvald və Stalin bu adı 1945-ci ildə alıblar. Çeske Budeyovitse şəhərinin fəxri vətəndaşları siyahısında 118 familiya yer alıb. Bu adı axırıncı alan (1979) Valentina Tereşkova olub.

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.