İQTİSADİYYAT


Çexiya Azərbaycandan qaz almaqda maraqlıdır

Bakı, 17 yanvar, AZƏRTAC

Çexiya “Cənub Qaz Dəhlizi” layihəsi çərçivəsində Azərbaycandan qaz almaqda maraqlıdır.

AZƏRTAC xəbər verir ki, Bakıda səfərdə olan Çexiyanın sənaye və ticarət naziri Yan Mladek bu sözləri jurnalistlərlə söhbətində deyib.

Nazir Azərbaycanı Çexiyanın strateji tərəfdaşı adlandıraraq deyib: “Çexiya üçün Azərbaycan Rusiyadan sonra ikinci əsas neft göndərən ölkədir. Bizim üçün əsas məsələ odur ki, bu neft Bakı-Tbilisi-Ceyhan boru kəməri vasitəsilə daxil olur. Biz bu istiqaməti dəstəkləmək istəyirik”.

Yan Mladekin sözlərinə görə, Çexiya “Cənub Qaz Dəhlizi” layihəsinin inkişafını böyük maraqla izləyir. “Ümidvarıq ki, gələcəkdə Çexiya bu qazı Avstriyadakı terminaldan ala biləcək”, - deyən nazir qeyd edib ki, Çexiya “Cənub Qaz Dəhlizi” vasitəsilə təkcə Azərbaycandan yox, Qazaxıstan, İran və digər ölkələrdən də qazı almaq imkanı əldə edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.