DÜNYA


Çexiya “T-72” tanklarını “Leopard”larla əvəz edəcək

A+ A

Praqa, 10 avqust, AZƏRTAC

Çexiya Respublikasının Müdafiə Nazirliyi hazırda bu ölkənin ordusunun arsenalında olan Sovet nümunəli “T-72” tanklarının modernləşdirilməsini davam etdirmək fikrində deyil. Köhnəlmiş texnika 2025-ci ilə qədər istifadədən çıxarılacaq. Hazırda mütəxəssislər müasir tələblərə cavab verən model seçimi üzrə iş aparırlar. Çexiya müdafiə nazirinin silahlanma məsələləri üzrə müavini Daniel Koştovalın sözlərinə görə, Almaniyada istehsal edilən və bir sıra Avropa dövlətlərinin ordusunun təchiz olunduğu “Leopard” tipli tankların alınmasının mümkünlüyü məsələsi ciddi müzakirə olunur. Almaniya tankları yaxın vaxtlarda qonşu Polşa tərəfindən də alınıb. Buna görə müdafiə naziri hesab edir ki, Çexiya ordusu üçün “Leopard”ların seçilməsi məntiqli addım olardı.

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.