DÜNYA


Çexiyada hökumət böhranı başa çatmaq üzrədir

Praqa, 24 may, AZƏRTAC 

Çexiya Prezidentinin mətbuat katibi İrji Ovçaçek bildirib ki, Prezident Miloş Zeman bu gün Andrey Babişin maliyyə naziri vəzifəsindən çıxarılması barədə sərəncam imzalayacaq. Bu vəzifədə onu parlamentin deputatı İvan Pilni əvəzləyəcək.

Xatırladaq ki, maliyyə fırıldaqları və vergidən yayınma halları barədə nazirin ünvanına səsləndirilən ittihamlar hökumət böhranına səbəb olub. Brifinqdə bildirilib ki, Prezident indiyədək A.Babişin tutduğu baş nazirin müavini vəzifəsinə ətraf mühit məsələləri naziri Rihard Brabetsi təyin edəcək. M.Zeman may ayının sonunda istefaya getməyə hazırlaşan təhsil naziri Katerjina Valaxova ilə də görüşməyi planlaşdırır.

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.