DÜNYA


Çin Gürcüstanda bank açır

Bakı, 15 may, AZƏRTAC

Çin Xalq Respublikasının (ÇXR) paytaxtı Pekində "Bir kəmər - bir yol" strategiyası çərçivəsində keçirilən forumda Gürcüstanın inkişafı üçün bankın yaradılmasını nəzərdə tutan bəyannamənin rəsmi imzalanma mərasimi keçirilib.

AZƏRTAC "Apsny.ge" saytına istinadən xəbər verir ki, bankın əsas sərmayəsi 1 milyard ABŞ dolları, yığım kapitalı isə 300 milyon dollar təşkil edəcək. Bankın səhmdarları Çinin ən böyük "China Energy Company Ltd." (CEFC) və "Eurasian Invest LLC." şirkətləri olacaq.

Gürcüstan tərəfindən sənədi Baş nazirin müavini, maliyyə naziri Dimitri Kumsişvili imzalayıb. Sənədə əsasən, hər iki Çin şirkəti Gürcüstanda yeni kommersiya bankı yaratmağı öhdələrinə götürüb. D.Kumsişvilinin sözlərinə görə, CEFC və "Eurasian Invest LLC"in nümayəndələri bütün rəsmi prosedurların icrasına başlamaq üçün artıq Gürcüstan Milli Bankına müraciət edib.

Qeyd edək ki, Çin Xalq Respublikasının sədri Si Cinpin tərəfindən 2013-cü ildə irəli sürülən "Bir kəmər - bir yol" layihəsinə artıq 50 milyard dollar vəsait yatırılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.