DÜNYA


Çin dilini öyrənmək musiqi duyumunu inkişaf etdirir

Bakı, 21 yanvar, AZƏRTAC

Kaliforniya Universitetində aparılan yeni tədqiqat göstərib ki, ana dili Qərbdə adətən mandarin adlandırılan Şimali Çin dili olan azyaşlı uşaqlar musiqi səslərinin yüksəkliyini ingilis dilində danışan yaşıdlarına nisbətən daha yaxşı fərqləndirirlər. AZƏRTAC “Deccan Chronicle” nəşrinə istinadla xəbər verir ki, sən demə, Şimali Çin dilinin öyrənilməsi beyinə xüsusi şəkildə təsir göstərir.

Tədqiqatçılar Şimali Çin və ya ingilis dillərini öyrənən ümumən 180 uşağın iştirakı ilə iki eksperiment aparıblar. Uşaqlar səslərin yüksəkliyinin və tembrinin qavranılması xüsusiyyətlərini dəyərləndirmək üçün nəzərdə tutulan tapşırıqları yerinə yetiriblər. Mütəxəssislər səs tembrinin qavranılmasında əhəmiyyətli fərqlər aşkar etməyiblər. Amma diqqət yetiriblər ki, ingilis dilində danışan uşaqlar səslərin yüksəkliyini Şimali Çin dilində danışanlardan daha pis fərqləndiriblər.

Mütəxəssislər məsələyə aydınlıq gətirərək bildirirlər ki, Şimali Çin dili ahəngli dildir. Bu isə o deməkdir ki, bu dildə müxtəlif hecalar ahəngdən asılı olaraq müxtəlif mənalar kəsb edə bilər. Buna görə də Şimali Çin dilini öyrənən uşaqlar səsin ahənginin dəyişməsini dərhal tutmağı öyrənirlər. Görünür, musiqi səslərinin yüksəkliyini də məhz bunun sayəsində yaxşı fərqləndirirlər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.