DÜNYA


Çin tarixində ilk dəfə xarici QHT-lərə ölkədə fəaliyyət göstərmək üçün icazə verilib

Pekin, 24 yanvar, AZƏRTAC

Çin Xalq Respublikasında ilk dəfə olaraq xarici ölkələrin qeyri-hökumət təşkilatlarının Çində fəaliyyət göstərməsinə icazə verilib. Pekin, Şanxay və Quancouda 30-dan çox xarici QHT-yə müvafiq qeydiyyat sertifikatları təqdim edilib. Sertifikat alan QHT-lər arasında Dünya İqtisadi Forumu kimi tanınmış təşkilatlarla yanaşı, Çinin xüsusi inzibati rayonu olan Honq Konqun, habelə Tayvanın da QHT-ləri var.

Qeyd edək ki, xarici ölkələrin QHT-lərinin Çində fəaliyyətinə icazə verən yeni qanun bu ildən qüvvəyə minib. Çin İctimai Təhlükəsizlik Nazirliyinin (polis) xarici QHT-lər ofisinin direktoru Xao Yunxun deyib ki, təmsil etdiyi qurum xarici QHT-lərin qeydiyyatı üçün münbit şərait yaratmaqla yanaşı, onların hüquqlarının qorunmasını təmin edəcək.

Qanuna əsasən İctimai Təhlükəsizlik Nazirliyinin mərkəzi aparatı ilə yanaşı, vilayət səviyyəsindəki bölmələrinə də Çində fəaliyyət göstərmək istəyən xarici QHT-ləri qeydiyyata almaq hüququ verilib.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.